azerty123
متميز
عدد المساهمات : 83
النقاط : 5436
السٌّمعَة : 0
تاريخ التسجيل : 29/04/2011
 |  موضوع: " إنا لله وإنا اليه راجعون "  الخميس يونيو 30, 2011 8:49 am | |
| بسم الله الرحمن الرحيم " إنا لله وإنا إليه راجعون" انا مش عارفه ابدأ الكلام منين اكبر حقيقة الاإنسان ممكن يعرفها عن نفسه إنه اضعف مخلوق مابين لحظه ولادته ولحظه وفاته ضعف لا يملك لأمره شئ انا شفت انسان فى اول لحظه من عمره وهو عمره لسه صفر شفت مدى الضعف اللى فيه انسان تقريبا اجهزه جسمه باينه من مدى الضعف اللى فيه عباره عن عروق ودم وبسسس من كتر حتى ما الجلد اللى بيكسيه ماليه الضعف من كتر ما كان الجلد شفاف وشفت برضه انسان بعد موته ومدى الضعف اللى فيه ولا يملك لأمره شئ ولا يقدر يرجع ولا يقدرر يزود فى رصيده عند ربنا النهارده انا كان عندى حاله وفاه بس انا مش بقول الكلام ده من زعلى على اللى مات انا بقول الكلام ده من خوفى على نفسى وعلى كل واحد فى الدنيا دى مش بس مسلم لأ انا خايفه بجد كمان على اللى مش مسلمين خايفه على خلق الله من عذاب الله خايفه على نفسى اولا سألت نفسى سؤال وانا فى امكان اللى كان فيه حاله الوفاه وقلت تخيلى لو انت مكان اللى مات هتعملى ايه ؟ لاقيت نفسى بتجاوبنى بسررعه جدا وبتقولى انا مش عاوزة اموت انا مش قد انى اقف قصاد ربنا ويحاسبنى على كل ثانيه فى عمرى انا عشتها انا مش قد انى اقعد لحظه واحده فى القبر والظلمه اللى فيه انا مش قد قد نار ربنا وبسأل نفسى يا ترى انا باقى قد ايه فى عمرى واللى ياقى ياترى هعرف اعمل فى حاجه تزود الرصيد عند ربنا ولا لأ بجد انا خايفه جدا على خلق الله قد ايه الموت ده قريب و لو كل واحد فينا عد الرسايل اللى ربنا بيبعتها له علشان نفوق ممكن نكون ماشين فى طريق ربنا بس ممكن جدا كمان تكون فى حاجه بنعملها عقبه فى طريقنا لربنا ممكن كل واحد يكون فاكر نفسه ماشى صح بنسبه 100% لكن هو فى الحقيقه ماشى الطريق العكس احنا مين فيهم قى اللى ماشى صح ولا ماشى العكس طيب لو ماشيين صح ماشين بسرعه ايه الشيطان بيضحك علينا بالتسويف ؟ انا بعترف قصادكم كلكم انا بيضحك عليا بالتسويف فى حاجات تقربنى من ربنا كل واحد فينا المفروض يقعد مع نفسه ويقف واقفه ويشوف هو موقعه ايه من الاعراب ماشى صح ولا غلط وماشى ازاى فى ناس عندها مفهوم غلط فى ناس فاكره ان العلاقه مع ربنا بتنتهى بالعباده يعنى ممكن واحد يكون بيصلى وبيزكى وبيعمل كل العبادات لكن مش بيبر ابوه او امه يكون بيعمل حاجه حرام علاقته بخلق الله على اسوأ ما يكون انا بقول الكلام ده بفكر نفسى بيه قبلكم النهارده احنا اللى بنعزى بكره هنكون احنا اللى الناس بتعزى قينا ويا ترى هيكون حالنا ايه انا فتحت الموضوع ده علشان افكر نفسى اولا ويكون تذكره لغيرى و كل ما هنسى هاجى هنا واقرأ الكلام اللى انا كتبته بإيدى وخلى الموضوع ده ديما  نا كلنا " إنا لله وإنا اليه راجعون " __________________ بالله عليكم لا تنسونى من دعائكم بالنجاح و التوفيق | |
|
